A oficina do servicio público de emprego de Navia entra en funcionamento

As oficinas do Servizo Público de Emprego que estaban ubicadas no Centro de Formación de Coia, en Vigo, trasladaranse desde hoxe a unhas novas instalacións no polígono de Navia

O departamento autonómico investiu 2,6 millóns de euros na compra e equipamento deste novo local

Isto suporá o traslado conxunto do persoal do Servizo Público de Emprego estatal (10 traballadores) e do galego (16 traballadores) e, por tanto, de toda a súa infraestrutura e arquivos

Vigo conta agora con catro oficinas de emprego: López-Mora, Sanjurjo Badía, Calvario e Vigo-Navia

As oficinas do Servizo Público de Emprego que estaban ubicadas noCentro de Formación de Coia, en Vigo, trasladaranse desde hoxe a unhas novas instalacións no polígono de Navia, co obxectivo de mellorar a atención ao cidadán demandante deste servizo.

Isto suporá o traslado conxunto do persoal do Servizo Público de Emprego estatal (10 traballadores) e do galego (16 traballadores) e, por tanto, de toda a súa infraestrutura e arquivos.

O departamento autonómico investiu 2,6 millóns de euros na compra e equipamento deste novo local na busca de dous obxectivos: ofrecer unhas instalacións máis amplas e modernas para contar cun servizo de emprego máis acorde ás necesidades dos cidadáns; e, doutra banda, liberar o actual centro de formación ocupacional de Coia para contar con máis espazo e ofrecer maiores oportunidades de formación, ao tempo que se busca ampliar a formación integral actual ás novas especialidades relacionadas cos sectores estratéxicos e produtivos da cidade.

As novas instalacións contan cunha superficie total de 1.100 metros cadrados, distribuídos en dúas plantas: a planta baixa con 693 metros cadrados e, o resto, no entresolo.

A Consellería de Traballo e Benestar cumpre así cos prazos previstos de trasladar o novo servizo no último semestre deste ano para que Navia conte cunha nova dotación administrativa e un novo servizo de atención ao cidadán. Deste xeito, Vigo conta agora con catro oficinas de emprego: López-Mora, Sanjurjo Badía, Calvario e Vigo-Navia.