O proxecto sectorial enmárcase no Plan Sectorial da ETEA que foi aprobado definitivamente no Consello da Xunta do pasado 23 de febreiro, cuxo ámbito total ocupa 115.000m2
As alegacións presentadas durante a exposición pública que propoñían melloras no contido do proxecto foron introducidas no documento.
A aprobación do proxecto sectorial permitirá avanzar tamén no proceso de licitación, que se levou a cabo de forma paralela para axilizar os trámites e gañar tempo de cara á execución da obra
Este mesmo mes procederase á adxudicación dos traballos, que se iniciarán de xeito inmediato cun investimento que ascende a 800.000 euros
O Consello da Xunta de Galicia, reunido no día de hoxe, acordou aprobar definitivamente o proxecto sectorial correspondente á área de usos recreativos da ETEA, no Concello de Vigo.
Trátase dunha das 7 actuacións, que se desenvolverán a través dos correspondentes proxectos sectoriais, recollidos no Plan sectorial de ordenación territorial do Campus Científico-Tecnolóxico domar nos terreos da ETEA en Vigo que promove a Consellería de Medio Ambiente, Territorio e Infraestruturas e foi aprobado definitivamente polo Consello da Xunta do 23 de febreiro de 2012.
O proxecto sectorial da área de usos recreativos ten por obxecto definir, co detalle dun proxecto de urbanización, a transformación dun ámbito de 8.000 m, antigamente dedicado ao esparexemento e deporte dos alumnos da ETEA, que considerará a:
• Creación dunha senda peonil no borde litoral que dará continuidade ao actual paseo que une Punta da Guía coa ETEA, permitindo o seu uso como carril-bici.
• Apertura da praia do Areal da Punta á cidadanía.
• Dotación de novos equipamento públicos como pistas deportivas, patinaxe, skate, parque infantil, cafetería e vestiarios.
Ao tempo, consérvanse as valiosas especies arbóreas que posúen as antigas instalacións. A edificabilidade non superará os 2.150 m² construídos que en parte se concentrará na conservación dos edificios da panadería e vestiarios na súa configuración orixinaria, demolendo aqueles outros sen valor significativo, caso dos galpóns anexos aos anteriores e os almacéns. Así como a reforma e posta en servizo das redes de servizos de abastecemento, electricidade, iluminación e telefonía.
Con este proxecto sectorial a Xunta da resposta ás reivindicacións veciñais, entregando aos veciños de Teis e a todos os cidadáns de Vigo, este espazo privilexiado e introducindo no proxecto as dotacións solicitadas nas distintas reunións de traballo realizadas coas asociacións veciñais.
O pasado 18 de xullo o DOG anunciaba a apertura do período de información pública, no que se recibiron 316 alegacións promovidas por diferentes colectivos propoñendo melloras, e das cales, aquelas que afectan o ámbito do Proxecto Sectorial 5, finalmente foron introducidas no documento.
A aprobación do proxecto sectorial permitirá avanzar tamén no proceso de licitación, que se levou a cabo de forma paralela para axilizar os trámites e gañar tempo de cara á execución da obra
Este mesmo mes procederase á adxudicación dos traballos, que se iniciarán de xeito inmediato cun investimento que ascende a 800.000 euros.
Plan sectorial
O Plan Sectorial, que abarca un ámbito de 115.000 m2, comprende 7 actuacións que se desenvolven mediante os respectivos proxectos sectoriais:
1.PS-1. Proxecto Sectorial Área de vías, espazos libres e infraestruturas: 20.029 m2
2.PS-2. Proxecto Sectorial Área Científico-Tecnolóxica 1: 16.042 m2
3.PS-3 A. Proxecto sectorial Área Científico-Tecnolóxica 2: 4.180 m2
4.PS-3 B. Proxecto Sectorial Área Científico- Tecnolóxica 3: 14.684 m2
5.PS-4. Proxecto Sectorial Área de equipamento deportivo, usos complementarios dotacionais e parque urbano: 31. 291 m2
6.PS-5. Proxecto sectorial Área de Usos Recreativos: 7.625 m2
7.PS-6. Proxecto sectorial Área de Usos Complementarios: 21.199 m2
No hay comentarios:
Publicar un comentario